Saúdo do Alcalde

Benvidos e benvidas á páxina web do Concello de A Rúa.

Esperamos que este espazo vos sexa de moita utilidade e a través do mesmo poidades estar sempre informados de todas as novidades, actividades de interese e servizos que se leven a cabo no noso pobo. Tamén queremos aproveitar a oportunidade que nos brindan as novas tecnoloxías para facilitar a comunicación entre o Concello e os cidadáns e dar a coñecer o noso entorno.

A Rúa ofrece viños exquisitos, boa gastronomía, festas tradicionais, eventos deportivos, así como paisaxes espectaculares, incluso polas nosas terras transcorre o tan coñecido «Camiño de Santiago» na súa ruta de «inverno». Pero, sobre todo, A Rúa destaca pola hospitalidade e a humildade das súas xentes.

Sen dúbida, a suma de todos estes factores atrae a curiosidade daquelas persoas que habitan noutros lugares e que unha vez que nos visitan descobren moito máis do esperado, espertando o seu desexo de voltar.

A nosa intención é a de mellorar o funcionamento desta web conseguindo que se atope en constante actividade e sexa unha ferramenta máis cómoda e útil para tod@s. Así mesmo, para plantexar propostas, dúbidas e situacións concretas podedes contactar coa Administración local dunha forma máis directa a través dos distintos e-mails adicados a cada área, ou chamando ó teléfono de atención ó cidadán nº 643.95.88.44 .

Para rematar, quixera agradecer a vosa confianza e solicitar a vosa implicación para axudarnos a avanzar tanto nesta web como no tocante a mellorar, coidar e impulsar o noso pobo. Unha Rúa mellor depende de tod@s.

Un cordial saúdo

O Alcalde de A Rúa

Álvaro José Fernández López

Máis información ›